Home arrow Società e costume arrow Aneddoti arrow TARDE NUESTRE – NOCERINA = 2 A 1…IL MOLOSSO? HA SCIUTE SOTT’ALL’OSSE!
venerdì 02 dicembre 2022
 
 
TARDE NUESTRE – NOCERINA = 2 A 1…IL MOLOSSO? HA SCIUTE SOTT’ALL’OSSE! PDF Stampa E-mail
L'ha scritt Aldo "Diecipalazzine"   
lunedì 28 marzo 2011
 S’honne acchiate proprie bbuene le molosse ajere. Sott’all’osse  proprie! Ehehehe! A ‘ddà cu ddice quedda malacere d’AUTERI: “Partita  decisa da un’episodio”. ‘A veretade jè,  ca angore le stè  vuscke ‘u ……… Ca po’ ste pparle proprie ijdde ca ha fatte ‘nu gol a cule, cu ‘nu tire a uecchie. Vatt’a ccuerche! Malacere! Ajere record de  cristiane o Iacovone. Ce feste uagnù! Ce spettachele a vedè le doje curve chine ca se sfuttevene. Stave pure ‘nu belle sole. E ce vulite de cchiù? Un Campano? Ehehehe. Ah già… quidde ere ‘u Lucane! Ce soddisfazione vengere cu ‘a capoliste. Se credevene intoccabbele e ‘mbece: mazzate!

 

Stavene tanda ex, belle e brutte, e une de quiste CATANIA ha fatte gol… a ijdde stesse però. Ehehehe. E po’ ‘u frangese: GIUGLIETTE RANTIER ha fatte ‘nu cape gol… none de cape… se dice de cape ma ha segnate de pede. Ha fatte ‘nu cape gol de pede ‘nzomme. Honne sciucate bbuene quase tutte e  n’otre picche le facemme ‘u cappotte a’ capoliste. Decime che la Nocerina ha state inferiore… NOCERA INFERIORE appunto. Peccate pe GIORGINO ca s’ha fatte male. S’ha strazzate. No ss’ha strazzate ‘a maglie… ma ‘a  jamme. Pacenze! Quanne ha segnate ‘u Tarde nuestre ha scuffulate ‘u cambe… accome alle viecchie tiempe. OUSMANSY…(tutt’attaccate)… ha smundate ‘u pale cu ‘nu tire, ca stè tremele angore. Peccate a GIRARDI, s’ha sudate ‘a maglia e accome succede ogn’’e vvote no’nge le fanne fa’ ‘u gol. ‘U  purtiere lore… ca jè ppure ‘u nuestre… (jè tarandine) GHIGOGORI… (tutt’attaccate), s’ha apierte le valvele. E accussì ‘u Tarde nuestre n’ha rialate ‘nu sorrise. Grazzie! E dope ‘nu sorrise, ‘na  lacreme: ‘Nu penziere pe ‘n’amiche ca se n’ha sciute o paradise venerdije. ARMANDO  EBRAICO. Amico nostro: ‘Sta vettorie jè tutte a  toje. Ciao Armà!

 
< Vid quidd d'apprim.   Vid 'nnotre. >
 
Top! Top!