Ancora una volta, sul Purtuso, Alice ci ha offerto l'opportunità di apprezzare l'aulica prosa di Aleng Along. E' un canto di sirena per i tarantini lontani…TN il vento che ne rimanda l'eco…

Cume glòbbe 'nfucáte
jè 'u sole ca stè' scènne
e se stè' 'ccòcchi'e vváse a 'u Mare Grànne;
cu' le ràgge 'nduráte
ch'attùrne vè' spannènne,

pare ca Tàrde tott''a vè' pettànne.
E Jèdde, cundignóse,
se culle suse a ll'ònne a cume 'na vezzose
e ppo' s'assònne.

Véde le piscatùre,
cu' ll'uècchie scarazzáte,
ca 'mbrà ttànda culùre,
stànche e fadiate
hònne turnate.

Mére l'ìsele ardìte,
a SSànde dedecate,
'na véla viànghe se vè' avvicenànne;
da réte a SSànde Vite
'na Nave ha returnate

da 'na longa cruciére, a CChìdde Vànne.
E Tàrende, ch'aspètte
a Chìdde Marenáre
mettènnese 'u russètte
pe' le 'ngandáre,

páre ca se stè' 'bbràzze
cu' 'u Mare prufumáte
piccè da chìdde vràzze
jè circundáte
da ogne llate.

Jè ssére e ggià stè' ccale
'nu vindezzule dóce
ca t'accarezze e a tutte vè' purtànne,
partènne da' 'u Canále,
quìdde « Salùte a' vóce »

ca le do' Marenare stònne a ffànne,
fa ca mo' vo' ccu ddìce
a tutte:—Vu' penzáte
a rumanére amice,

no' v'arrajáte.
je ttànda corte 'a vìte;
'u sole ha da turnáre
ma vùje 'u stè' ssapìte
ca de cambáre
s'ha ddà spicciáre!—

Aleng Along