'U marchese arrìve ogn'e mmese. Puntuale s'appresènde stù fetende...  c'u relogge mmane. Quanne 'u marchese arrìve ind'a 'na case, stè 'na certa agitazzione. Le maschele 'mbra de lore oramaje se n'honne fatte 'na raggione.
"Papà ma ce téne 'a mamme stamatìne? Stè totta arrevugghjate!

Nijnde figghje mije.. ste arrìve 'u marchese, accome ogne mmese."
Da piccìnne me mettève c'u penziere...ll'hagghj'a vvedè 'mbacce stu marchese c' avéne ogn'e mmese! Penzave... tenìme amiccizzie 'mbortande ind'a sta ccase...'nu marchese no jè pasta menùte. Jie me credeve ca stu marchese eve 'u padrune de casa nostre piccè  me dicéve... ce avéne ogne mmese vuol dire ca se pigghje 'a locazzione e 'mbece nòne, stu marchese arrevave a scunnute a scunnute e no sse facéve vedè maje.
"Papà ma scuse, ma tune nijnde dice ca stu sarchiapòne s'appresènde ogn'e mmese? Ce ccose hagghj'a dicére? 'A nature u face arrevà e 'a nature u face sparì. Doje vote 'u marchese nonge ha venùte pe nnove mise e avìte nate tune e sorete."
"Piccè Papà nonge avenéve 'u marchese... s'avéve ngazzate? None none figghje, ognettànde 'u marchese sparìsce o avène cchiù tarde... e quanne nonge arrive jè 'nu probbleme... le feméne accumenzene a strulecà, stu mese ritarda, (dicéne mbra de lore), le casére s'arrevoténe e no sse capisce cchiù nijnde. "
Sendive ca, mbèce de marchese quarchedune 'u chiamave...Ciclo, e jie penzave: Vuè ccu vvìde ca 'u marchese avène cu a bececlette? Allore penzive: Mo me mette abbasce o purtone cu 'a bececletta meje, (modello Graziella) e quanne passe vedìme ce no u zzecche a stu minghiarile...ma nijnde nonge u vedive manghe sta vote.
Nu ggiurne da o balcone de fronte s'affacciò 'na cristiane totta accalorate e parlanne c'u 'na vicine de case dicì.... Cummàààààà Grazziella ha avute 'u marchese.... Matòòòòòòòò penzive, vuè ccu vvìde ca quidde strunze s'ha futtute 'a bececletta mea? E scappìve sus'a ccasee... ma stave tutte cose a poste.
Parlanne cu Papà, sentìve ca stu galandome avéve accumenzate a vené doje vote o mese... 'na vote pe Mammà e n'otra vote pe sorema granne. Pizza dicìve! Le stè ppiace casa nostra o marchese! A cose ca me facéve ngazzà de stu figghje de bonamamme eve ca ne nguaiave 'a staggione...
"Papàààà ama scè a mmare? None Catà no putime scè ca stè vvene 'u marchese pe Mammà...
N'otra vote pe soréme e certe mise, pe quinnece ggiurne, no scemme 'a mmare. Allore, azzecchive a soréme e a mia madre e le dicibbe: Ma stu cazze de marchese nonge 'u putite fa venè 'u stesse ggiùrne accussì putìme sce a mmare?
Ma no ffu cose, avemm' aspettà le comode sue.
Quidde puverijdde d'attanéme s'avève fatte 'a croce a smerse pe stu fatte...oramaje 'u sapéve ca qualche ggiurne prime c' aveva avenè stu carnevale s'aveva suppurtà a Mammà ca scatasciave p'ogne ccose e ca parlave parlave parlave a mendone. Ind'a quidde ggiurne ce a uardave 'mbacce parève fa ca mo l'avéve accappate 'na sciagure e, cosa strana, cucenave ca facéve sckìfe.
Quanne 'u marchese retardave assaje sendìve dicére: manisciateve sciame in farmacie! Jie penzave ca st'aristocrateche eve pure dottore e pe scè truarle scìve 'a farmacije de vie de mijenze, trasive e dicive:
"Dottòòòòò stè 'u marchese? e 'u dottore respunnì: Ce marchese? Com'èèèèè dicive jie... quidde c' avéne ogn'e mmese! 'U dottore me uardò brutte e lucculò: 'U marchese de mameteeeeeee... vatijnne meeee! Jie fuscènne decive: Sine sine propie quidde de mamma meje... u canusce alloreeeee!"
Pe no farla longhe me menò 'na buttiglie de sceroppe a turtegghjune.
E quiste jè 'u fatte d'u marchese ca avéne ogne mmese e ca se ggire tutte le casere d'u paese.

CiaoXp...liberamente inventato