TARENTUM - BENEVENTUM= 1 A 1 PIRRO SE NE SCI' CU TUTTE L'ELEFANDE E A NNUJE NO LASSO' MANGHE LE...

L'ha scritt Aldo "Diecipalazzine"

domenica 14 settembre 2008

...MUTANDE! Ce nuje sìme figghje de le P... arteni di Sparta (figghje di nn) quìdde de Benevènde so' figghje de Troia... ehehehe... senz'offése eh? Diomede, 'u fondatòre de Benevènde da 'ddà avenéve. E tutte ddoje n'ame fidàte de quìdde malasurtàte de Pirro ca mò face 'u domatòre d'elefande o' cirche Orfei. Quìdde scungegnàte apprìme n'ha nguajàte a nnuje e ppò a llòre. Le Romàne l'aggiustaréne l'ossére proprje a Maleventum ca da quìdde ggiùrne cangiò nnome cu Beneventum. L'elefànde (d'a mammése) se sckandaréne piccè le romàne mannarène 'na croscke de puèrce... sìne sìne propje le maiale, e accussì Pirro se pigghjò pavùre, se ne turnò o pajse sùve caréche de meraviglie e lassò Tarentum senza difése. E a defése d'u Tarde osce angòre accussì stàve... ehehehe... piccè s'ha fatte fà 'u gol d'u parégge ca manghe l'elefan… cioè le càne ehehe... ComunGue ind'a 'nu Iacovone senza tèfose ame pareggiate. Ha segnàte su punizziòne PASTORE o prime tijembe, ca avìme sciucàte alla grandA. L'allenatòre ha scacchiàte n'otra vòte u modùle 4-1-4-1 ca n'amiche mije penzàve ca eve 'u nummére de telefone d'u Mister, mbéce eve quìdde de n'hot line e ha spìse 'nu sacche de turnise.... Ce ccose v'hagghj'a dicére? Putèmme vingére pure osce ce no ne scèmme o suènne o seconde tijmbe come al solito. Honne trasùte CARROZZA pe MICCO e CATURANO pe DIONIGI ca s'honne date da fà, PROSPERI, quìdde carlasciòne s'ha ffatte ammonì n'otra vòte e n'ame mangiate 'nu pare de gol fatte...  beh maleventum o beneventum nuje de vijnde tenìne sùle 'u sceròcche ca quanne fiscke se sùde mmocche... Facitava cala!

Ultimo aggiornamento ( domenica 14 settembre 2008 )

 

< Vid quidd d'apprim.		Vid 'nnotre. >