Home arrow Societ e costume arrow Aneddoti arrow REAL MARCIANISE TARDE = 0 A 1CU A NAPULE MMANE, U RREJE PERDE!
luned 26 settembre 2022
 
 
REAL MARCIANISE TARDE = 0 A 1CU A NAPULE MMANE, U RREJE PERDE! PDF Stampa E-mail
L'ha scritt Aldo "Diecipalazzine"   
domenica 21 settembre 2008

 Ce bella soddisfazziòne… ’nu uagnòne de diciottànne ha segnàte ind’a prìme partìte da titolàre e ha ffàtte vingére ‘u Tarde nuèstre gagliàrde e tuèste. Ame sciucàte ind’u càmbe de Casèrte ca paréve quìdde di Puffolandia, cu ‘na squàdre ca se chiàme Real Marcianìse… bah! Ma ce ngèndre ca se chiame Real? ‘U rreje nonge stè cchiù… anze ne stònne quàttre: quìdde a bastòne, quìdde de spàde, a denàre e ‘a còppe.

Po’ stè Vittorio Manuéle ca no ss’ha capìte angòre ci è idde ‘u capintèste de le Savoje o ‘u cuggìne sùve Amedeje. Comungue reàle o no rreàle l’ame mìse ind’u panàre. Nuje cuzzàre tarandìne l’ame sckattàte le meròdde cu ‘nu gol de càpe d’u scugnìzze napuletàne. A propò! Pe vvènè a vedè CATURANO (quìste jè ‘u nòme d’u sciucatòre) hònne venùte ‘na trendìne de parijnde da Scampia e l’hònne purtàte furtùne o uagnòne.. abbunesinne. Bràve ‘o purtiére nuèstre NORDI ca n’ha salvàte ‘u cù…. ops… ’a càpe, vuléve dicére. L’arbètre de stavòte se chiamàve LUPO, quìdde d’a vòte scòrse PECORELLI… ma tutt’è ddoje tenevéne le cuèrne… accom’è stù fàtte? Mangàve Cappuccetto Rosso e avèmme completate. ’U prìme tijmbe ame fàtte ‘na bella partìte, o seconde ame accumenzàte a menà pallùne alla capedemenghje e menumàle accòme ‘n’ha sciùte. Honne trasùte MAROLDA, CARROZZA e PAGLIUCA ca se putevéne sta fèrme fèrme addò stavéne e ‘u mègghje in cambe ha stàte GIORGINO ca ‘no jè quìdde d’u teleggiornale cu le recchje a parafanghe, ma ‘u mediane nuèstre ‘nzìste.Beh! Mò ne scè vedìme ‘a prucessjòne d’a ‘Nduluràte cucchje cucchje piccè fàce frijdde… Facitava calà…  cucchje cucchje… ehehehe.

 
< Vid quidd d'apprim.   Vid 'nnotre. >
 
Top! Top!