Na dùmeneche pòmerigge.

L'ha scritt Pepp' Nesta

domenica 23 novembre 2008

Mudù cè fridde ca fàce … ma stè appezzecate ù vraciere? Nòssacce, mò vòca ‘vvede … naaa … ma ci jè stù pacce ca ha ‘ppirte ‘a fenestre … ma ce hame studechite? Je hagghije state mà … ma nò stè ‘ssendite ca nonge se pò resperà? … manghe pròpre l’arie! Vabbeh ca ne pùtive pùre cercà ù permesse àpprime? Seee papà … je diche ca cè nònge tràsche je ijndre ‘a stà càse ògnettande, quacche vòte v’hagghija truvà ‘mbasulite accome ‘a dò mùmmie! … ma ve rendite cùnde cà l’anedride carboneche jè vèlenose e manghe te ne avvìrte e te stùte chiane chiane! Ù sàpime ca ‘a càrvunedde se stùte chiane chiane … ma mamete ognettande l’acconze e ne mette n’otre picche. Vuje vè stutate!!  None ‘a càrvunedde! … ma nò sapite ca ù  gàsse cà spriggione jè dannose assaje? Nàààà … ca cè vè a gàsse mòò? Minghia à mammà … nòne ù gàsse … ù fùme cà jesse dà ‘a carvunedde jè anedride carboneche jè vèlenose assaje … Nàààà e ci l’ha sèndute maje stù fatte … àlberiche cattoleche … ognettande na nùvetà! Vide cà ha ditte aneride carbone..che … jè nù gàsse speciale cà se fòrmene quanne brucie ‘nquaccheccose! E tu cà se tòtte stè cose … àccussì m’ù stè dice? Nò’ssindite ognettande ‘a telivisione ca ‘quacchedune ù jàcchijene stecchite ijndre ‘a case piccè s’ha scurdate cù cange l’arie. E sine! … ù sapime ca jè pereculose ù fùme … mò màmete nonge sapeve accome se chiamave ù nome d’ù fùme! Nà … ù stè sapeve cà aveva passà sembre je pè ‘gnùrande! Maaaa … nò ‘sse tratte dè ‘gnùranze,  ma dè màncanze dè giùdizzie! E ‘ggire e ‘vvuete sèmbre quidde jete! … ci nò stè ggiùdizzie stè ‘gnùranze … E cà ci hama passà pì stòdeche sùle piccè nonge sàpime àccome se chiàme ù fùme … … ànderido d’ù  carbone…che! … E pò … accome cazze se vò cù chiàma chiàme … sembre fùme velenose jete! Appundo dico io! … ce vè còste cu appezzecate ù rèscaldamende? … viste cà ù tènite fàtte? Miiiinghia aù criature!! … cè ne còste? … ma ù sé a quande ha àrrevate ù gàsse de città … n’otre picche nònge pùtime manghe cucenà! Vabbeh, ma ci sindite fridde accussì ù  pùtite appezzecà nù pare d’ore e stèmberate à tèmberature! Nonge avastene nù pare d’ore, e pò gòmungue ù tenime nù pìcche appezzecate ‘a sere … quanne vèdime ‘a telivisione, e tènime pure ù vraciere cù a carvunedde, … pò stùtame tòtte cose e ne scè curcame! Apposte! … ma aprime aprite le fenestre e facite cangià l’arie? … baste ca nonge vè stùtate vuje! Naaaa … ma ce ne ste pìgghije pè strùnze … o te pinze cà sime d’à Ròcche? … Maaaaà … ù sàcce cà face fridde … ma pùtite murè dè ‘cchiù p’ù fùme cà p’ù fridde! E nò tte ‘ngazzà! … tande na vote hama murè … accusì diche je … quanne àttocche àttocche! … passe l’àngele e né pigghije apprisse! E ci jete mò Jàngele?!! Miiiinghija aù cristiane! … e po’ dice ca sò je à ‘gnùrande! Mena mò … nò ‘vve ‘ngazzate! … Comungue mò je me ne vòche … e pèppiacere … fàcitele pè mmè … ògnettande aprite ‘a fènestre e facite cangià l’arie … vabbè?!! Statte scùcetate … nò tte ‘ngarecà de nijnde … ce pènze je ‘a apprè ognettande! Apposte papà … me vogghije cù fìde de te! … Tijne ù pènziere … nò ‘mme fàcite assend’re nùvetà … cu nò quacchevvote hama scappà aù ‘spedale ca v’honne truvate ‘ntussecate … cià … cià. ……. Se n’ha sciùte?? … mè và a chiùde sta càvule dè fènestre cà stòca ‘ndoste p’ù fridde! … e po’ se pènze ce stàsere hama fà cangià l’arie … sarà ca tène ràscione … ma tànde ce mùrime cè cange? … a pàrte ijdde nò se n’avverte nìsciune! Penze propre cà na vòta tande è dìjtte nà còsa giùste … mò vèdime ce stè stasere a stà càvule de telivisione … ha rùmaste nù picche dè pàrmiggiane e dò pulpette … mò cenàme pùre e nò sse ne pàrle chiù! … ce vò ccù àvene Jangele cù àvene, … aqquà stàme nùje! Beh … ce nè dè nà vòce apprìme … jè mègghije! pepp’nest’

 

< Vid quidd d'apprim.		Vid 'nnotre. >