Home arrow Societ e costume arrow Aneddoti arrow PESCARA -TARDE = 2 A 0 A CCI DUREA FERISCE, DUREA PERISCE!
luned 26 settembre 2022
 
 
PESCARA -TARDE = 2 A 0 A CCI DUREA FERISCE, DUREA PERISCE! PDF Stampa E-mail
L'ha scritt Aldo "Diecipalazzine"   
luned 23 febbraio 2009

 ‘U Pescare osce, ha ffàtte accòme a ‘u Guvèrne de Ròme… n’ha ‘nghjùte d’urea. Jè vvére ca jè vvére ca sìme ‘na citàde dissestate, ma a ‘nghjèrne pùre d’urea nge vòle curàgge. Le pulitèchese tarandìne, honne sciùte a Ròme, pe vedè ‘u fàtte d’a diossìne e se n’hònne turnàte chijne… d’urea. Secondo me le Romàne, s’hònne arrecurdàte de quìdde fàtte ca succedije ind’u 280 apprìme de Crìste, quànne ‘nu cigghiacùle tarandìne, pisciò sùse all’ambasciatòre de Ròme e facì scuppià a uèrre. Accussì le Romàne ca stònne tutt’une cu Emilio Riva s’hònne pigghjàte ‘a pezzecàte. Hònne dìtte ca pe lluà ‘a diossine nge vòle l’urea. ‘U fàtte curiùse jè ca pe sparagnà, Riva, ha penzate stu fàtte. Tùtte l’operaje d’u Sidellurgèche nonge hònne sce a piscià cchiù ind’u cèsse ma direttamende ind’all’altefòrne accussì a diossìne sparìsce… N’hònne pigghjàte p’u cùle pùre sta vòteeeeee….

 

‘U Tàrde ha pigghjàte ‘nu mazziatòne fèrme fèrme e se n’ha sciùte n’otra vòte abbàsce  furtùne. Avìme pigghjàte doje gòl gràzzie a defèsa nòstre.


Cu tùtte le sciucatùre ca tenìme ha sciùte a mettère a quìdde bedòne de DI  (capoluogo della Puglia) ca n’ha ffàte pigghjà doje gòl assième a SOSA. ‘U Tàrde sciucàve, sciucàve, ma no ha stàte càzze de menà a pàlle ‘mbòrte. L’otra squadre parève ca fuscève cchiù de nuje e nònge n’hònne fàtte pigghjà reggijtte. Ha sciucàte pùre SPINELLI  ca paréve ca s’avéve fàtte nu cannòne. ‘U Pescàre ha fàtte nu gòl o’ prìme tijmbe e n’otre o secònde. CATURANO s’ha scuasciàte ‘a càpe e ha trasùte MAROLDA ca no jè bbuène nemmànghe pe scè accugghjè le còzzenùte. Po hònne trasùte CARROZZA e MIGLIETTA e avìme anghjùte ‘u prìse. MICCO s’ha gnuttùte ‘nu pàre de gol e DA SILVA (‘u cendrattàcche) s’ha ffàte scettà ffòre. L’arbètre se chiamàve n’otre pìcche accòme a meje: PALAZZINO e jève de Ciampino… e s’ha comportate bbuène.A fìne d’a partìte tùtte le sciucatùre hònne fàtte l’esàme antidoping…sìne tùtte… piccè a RIVA sèrve l’urea.Vuè ccù mìtte quanta urea fànne 22 sciucatùre? Hagghje sendùte ca l’Ilva adda fa mettère ind’a citàde le Vespasiàne… le cèsse sìne… collegate all’ILVA…  accussì totta l’urea de le Tarandìne ve spìcce ind’u stabelemènde. Beh uagnù… mo me n’hagghja scappà proprie… hagghja scè ffà ‘nu servizzje ca nònge pòzze mannà a nisciùne… hagghja sce ffà ‘nu pìcche d’urea… ehehehe… ma ngàpe a RIVA però! Ehehehe… uè signò ce ttènghe sòtte? Tènghe ‘u tùbe de l’acquedòtte… annèseeeeeee!

 

‘Nu penzière o’ Direttòre d’a GAZZETTE D’U SPORT, CANDIDO CANNAVO’, ca n’ha lassàte… arrepuèsete mbìtte a Ddije fràtè.

 
< Vid quidd d'apprim.   Vid 'nnotre. >
 
Top! Top!