Home arrow Societ e costume arrow Aneddoti arrow PAGANESE TARDE = 1 A 0 THE MANDURIAN CANDIDATE
luned 26 settembre 2022
 
 
PAGANESE TARDE = 1 A 0 THE MANDURIAN CANDIDATE PDF Stampa E-mail
L'ha scritt Aldo "Diecipalazzine"   
domenica 15 marzo 2009

 Uagnù! No sse capìsce cchiù nijndeeee. ‘U Presedènde manduriàne d’u Tàrde nuèstre, s’adda presentà alle elezziòne p’a Province. E ce jè ‘nu fìlm? Ha ddìtte ca addò stè Casine ste ijdde. Stu fàtte l’avémme capìte da mòòòòòòòò! Vuléve dicére ca s’adda candidà c’u terzo polo addò stè Pierferdy Casini. Hè capìte o’ Presedénde? Dìce ca jè centrista… ma secondo me no ssàape mànghe ce signiféchésce. Ha dìtte ca adda ffà le maneféste accòme a quìdde ca facì Casini cu ‘a scritte: IO CENTRO… sùle ca dàse ca jè de Mandurje adda scrivére IJE TRASCO. Cose da pacce! ‘U slogan adda essere: CI NO VENGE ALLU IACOVONI, VENGE ALMENE ALL’ELEZIONI.


U Tàrde ha pèrse n’otra vòte fòre de càse. No riuscìme a vengére cchiù ‘na partìte quànne sciucàme indre ‘a nu càmbe ca no jè ‘u Iacovòne. Quìdde marpione de CAPUANO n’ha ffàtte ffèsse n’otra vòte. ‘U prìme tijmbe nònge ha stàte brutte brutte. ‘U Tàrde ha pigghjàte ‘nu pàle (de le còzze) e SOSA s’ha gnuttùte ‘nu gol ca ‘u facève pùre nepotéme piccìnne ca ha tuzzàte ‘a càpe o spighéle d’u cummò. S’ha fàtte male SPINELLI e ha trasùte GIORGINO. Ind’o secònde tijmbe a squadre d’a Paganése ha accumenzàte a sciucà a dalla – dalla e ha segnàte, pùre piccè NORDI, ‘u purtiére nuèstre ha assùte a’ cecàte. Paréve Carla Fracci all’Operà. CARROZZA ha pigghjàte ‘a travérsa chiéna e po’ nònge avìme accugghjùte cchiù nijnde. PASTORE n’otre pìcche facéve segnà ‘u secònde gòl a squadre de Capuane. Ma ‘u sapìme tùtte ca quànne sciòche cu le squadre d’u pajse sùve ‘u capitàne se dispiace… jè bbuène de còre ‘u capetàne nuèstre… ehehehe…. Hònne trasùte CATURANO e RUSSO ma sempre mazzàte avìme pigghjàte. Stu cacchje de Tàrde fòre de càse fàce proprie sckjfe. Se scòrde accòme se sciòche o’ pallòne. Jè ‘na squadre casalingua… stàme proprie desperàte … desperate housewives inzomma… Bah accussì pùre osce tra ‘u Presedénde candidate e le casalingue desperàte avìme nzeppàte ‘a cronàche d’a partìte… BLASI for President… ehehe… n’avìme fà de resàteeeee… accòme stàme accìììììììììseeeeeeeeeee!

 
< Vid quidd d'apprim.   Vid 'nnotre. >
 
Top! Top!