Nemmanghe ‘n’ammuzze de zombi avesse sciucate accussì ajere sere.Ame state mise sotte d’a TERNANA. Sarà ca no’nge stave DIONIGI, sarà ca stave qualche malaurije, sarà ca tutte ste cristiane l’honne fatte emozionà. Mah! Sarà l’acque, sarà ‘u cafeje, sarà ‘u turn over ma ame nfrascate brutte. Già da quanne honne scise ind’o cambe le nuestre parevene tande cunigghie. Paura-paure! ‘A TERNANA ha sciucate da sprudende tutte ‘u prime timbe. Honne fatte passà a palle mminze alle recchie de le sciucature nuestre. DIONIGI no sse capive addò stave viste ca eve squalificate. Ce deceve ca s’aveve vestute da Stewart, ce deceve ca s’aveve vestute da vigile del fuoco, oppure ca stav ind’o fuesse ca ste a ggire a ggire o cambe.
Ce bella cose! ‘Na curve tutta colorate. Pure l’allenatore d’a TERNANA ha state scetate fore, accome o Mister nuestre e tutte ddoje s’honne viste a partite da suse a tribune. O seconde timbe no s’ha capite cchiù ninde. DI DEO se n’aveve sciute o suenne. GIRARDI gerave a vacande. ANTONAZZO manghe p’u…………
E quidde SABATINO! Ce cchiante! Accussì ame pigghiate ‘u gol e BREMEC ha parate ‘nu tire pure cu a facce. Qualche ccose ‘u TARDE NUESTRE l’ha fatte. GUAZZO (quanne ha trasute) ha sciucate bbuene accussì VICEDOMINI. Ha state scettate fore CHIARETTI e s’ha stutate ‘a luce. Ninde uagnù! Avasciame l’ale e sciame nnanze!