TARANTO – FOLIGNO = 1 A 0…’NU SUENNE CA SCAVALCHE ‘U SUENNE!
L'ha scritt Aldo "Diecipalazzine"
lunedě 05 dicembre 2011
Madòòòòòò! Ce brutta partite osce! Ce suenneeeeeeee! ‘U Tarde ha accumenzate a sciucà doce-doce, nemmanghe stè vingemme ggià! ?’Mbece ‘u FOLIGNO, fesse-fesse, ne stè faceve fesse. Averamende ‘u Tarde l’hagghie viste ‘nu picca musce. Mah! Honne sciucatele doje minze cendravande ca tenime, GUAZZO e GIRARDI, ca forse assieme u fanne‘nu cendravande bbune… GIRAZZO. Ehehehe! E accussì GIRAZZO no’nge ha segnate nemmanghe osce.Ha segnate ‘mbece ‘u solete CHIARETTIca po’ s’ha fatte male. Accussì COLY, pure quidde s’ha struppiate! E ce jè ‘u sanatorie? Comungue ste uagnune du FOLIGNO ne stè facevene a feste e menumale ca so scarse brutte, piccè honne terate sempre mmocche a BREMEC.
Osce o cambe stevene picche cristiane. Nemmanghe quattromila. ‘U zoccolo dure s’ha scuasciate. Ca po’ no’nge m’ha piaciute maje sta parole piccè fine a quanne se parle de tefuse maschele e va bbene. Ma ce se parle de tefuse femmene, ‘a parole zoccolo me pare ‘nu picca volgare. Ehehehe! Osce stavene pure le stewart ca nemmanghe lore honne viste ‘na lire. E ce ccose? Ste uagnune pigghiene trenta euro a partite e nemmaghe avenene pajate! Mah! Ce brutte vizzie ca tenime ind’a sta cettà ca fatije, fatije e no’nge vide ‘na lire. Me sape ca l’uneche mode pe fa movere a GIRARDI è metterle in mobilità. Ehehehe! Beh Uagnù! Pe mo’ stame angore o seconde poste cu trenda punde…. provvisorie…. piccè avime turnà indietre de doje caselle! E ce jè ‘u sciueche de ll’oche? Ehehehe! Addevederce e sembre Forza Tarde, cu lle turnise o senze! ‘Mbusce!