tarantonostra.com - TARDE NUESTRE – CARPI = 1 A 1… MERLINO HA RUTTE L’INCANDESEME!

E sine! L’arbetre d’ osce se chiamave MERLINO, accome o maghe. Ma le segnalinee no jevene RE ARTURE e LANCILLOTTE ma doje carlasciune. BREMEC ha pigghiate ‘u gol e accussì s’ha scuasciate l’incandeseme. ‘U Tarde nuestre ha segnate subbete cu DI DEO ma no’nge ha riuscite a ffa’ n’otre gol.

Accussì ‘u CARPI ha pareggiate pe ‘nu smarruene d’a defese. ‘U timbe stave all’acque e faceve fridde. ‘U cambe pareve quidde de le patane zuccarine. ‘A curve s’ha mmise a lucculà: ISSE LE SOLDE. A teneve c’u Presedende ca no’nge ste ppaje le stependie e ne stonne a llevene le punde abbuene abbuene. Tand’è vvere ca ‘mbece de fa ‘a raccolta fonde p’u Tarde, jeve megghie ‘na raccolta punde. Accome o benzenare! Ehehehe!

‘A squadre avversarie ha sciucate cu quattre sciucature squalefecate… tand’è ca jeve metà-carpe. Ehehehe! Ce no’nge ve n’avite accorte jeve ‘na battute! Eheheh! RANTIER s’ha tagghiate le capidde c’u taglierine e pareve proprie curiuse. GUAZZO n’ha cugghiute proprie ninde e SOSA e DIONIGI s’honne fatte scettà fore! N’otre picche quidde pellegrine d’u CARPI no ne facevene ‘a sorprese e vengevene a partite… pure piccè nuje sciucame senza attaccande. Honne trasute: CUTRUPI, GIRARDI e quidde nueve. BRADACCE… BRUSCHETTA… BRADAZZE… Ma accome caspete se chiameeeeeeee? Ma diche ije non le ponne pigghià cu ‘nu nome cchiù facele? Ah! BRADASCHIA. Ehehehe! Ma comungue n’ha cangiate ninde! Ce brutta partite! ‘U Tarde nuestre se stè stute! Presedèèèèèèèèèè! Isse le solde!

L'ha scritt Aldo "Diecipalazzine"
lunedì 13 febbraio 2012
E sine! L’arbetre d’ osce se chiamave MERLINO, accome o maghe. Ma le segnalinee no jevene RE ARTURE e LANCILLOTTE ma doje carlasciune. BREMEC ha pigghiate ‘u gol e accussì s’ha scuasciate l’incandeseme. ‘U Tarde nuestre ha segnate subbete cu DI DEO ma no’nge ha riuscite a ffa’ n’otre gol. Accussì ‘u CARPI ha pareggiate pe ‘nu smarruene d’a defese. ‘U timbe stave all’acque e faceve fridde. ‘U cambe pareve quidde de le patane zuccarine. ‘A curve s’ha mmise a lucculà: ISSE LE SOLDE. A teneve c’u Presedende ca no’nge ste ppaje le stependie e ne stonne a llevene le punde abbuene abbuene. Tand’è vvere ca ‘mbece de fa ‘a raccolta fonde p’u Tarde, jeve megghie ‘na raccolta punde. Accome o benzenare! Ehehehe! ‘A squadre avversarie ha sciucate cu quattre sciucature squalefecate… tand’è ca jeve metà-carpe. Ehehehe! Ce no’nge ve n’avite accorte jeve ‘na battute! Eheheh! RANTIER s’ha tagghiate le capidde c’u taglierine e pareve proprie curiuse. GUAZZO n’ha cugghiute proprie ninde e SOSA e DIONIGI s’honne fatte scettà fore! N’otre picche quidde pellegrine d’u CARPI no ne facevene ‘a sorprese e vengevene a partite… pure piccè nuje sciucame senza attaccande. Honne trasute: CUTRUPI, GIRARDI e quidde nueve. BRADACCE… BRUSCHETTA… BRADAZZE… Ma accome caspete se chiameeeeeeee? Ma diche ije non le ponne pigghià cu ‘nu nome cchiù facele? Ah! BRADASCHIA. Ehehehe! Ma comungue n’ha cangiate ninde! Ce brutta partite! ‘U Tarde nuestre se stè stute! Presedèèèèèèèèèè! Isse le solde!