‘U Giudece d’a Federazziona de stù burdèlle ca se chiàme calcio ha apìrte le porte d’u Iacovòne e n’otre magghiàte l’ha cchiùse n’otra vòte piccè no jève aggibbile…ma jè‘u cervìdde de stù carlasciòne ca no jè aggibbile…. pùre quìdde c’ honne fatte l’abbonamènde honne remàste a ccàse. Parlanne de magghiàte, ‘u prìme ca m’avéne ‘ngape è l’arbètre ca secùre tène cchiù ccòrne de ‘nu panariìde de cozzenùde piccè ind’u prìme tiembe n’ha capesciùte niende.’U Tàrde Nuèstre ha sciucàte ‘nu prìme tièmbe ‘nu picche ammusciàte e s’honne mangiàte pùre‘nu pàre de gol, ma pò ind’alle spogliatoje l’allenatòre d’u Tàrde l’ha ffatte vedè ‘nu stuèzze de film d’u gladiatòre, l’ha mmìse ‘na suppòste de diaulìcchie appedùne, qualche cueccèle e   amme fatte ‘nu secònde tièmbe da liùne ca parevène tutte fumàte.DE LIGUORI, ‘u mediàne, ha ffatte a cchiù bella partìte d’a vita sòve, ha date pure ‘u passàgge a DIONIGI c’ha segnàte. ‘U sciucatòre ca marcàve DE LIGUORI ha stàte espùlse piccè no stè capìve cchù niènde e MANCINI  e  CECAS honne stàte grànne, grànne, grànne. Uagnù ce v’agghia a dicère? Quànne ha segnàte ‘u Tàrde Nuèstre ‘u core m’ha ffàtte giuànne giuànne e quann’ha fenìte a partite  a vvedè tutte stè uagnùne rossoblu ca s’abbrazzavene senza l’applause delle tefùse m’honne venùte le lacrime all’uècchie…. com’è amàre st’ammòre.