Stasére a Tarde nuèstre stè ‘a notte vjanche… stònne ‘nu sbuènne de spettachéle… cantande, giocolliére, saltimbanche, sfrattacampagne. Dalle cinghe de sère alle trète de matìne se stè descetate… ne devertìmeeee. Dumàne po’ jè n’otra fèste… a Mmaculàte ca jè patrone de Tarde apprìsse a San Catavéte e stè ‘a prugessiòne a Tarde vecchje cu tutte le Confraternite.

Osce ‘a fèste ne l’ha ffàtte ‘u Gallipoli o’ Iacovòne sempre achiùse. Bella squadre ‘u Gallipoli… embè jè a capolìste eh! N’ha ffàtte ‘u prìme gol o’ prìme tijmbe cu GINESTRA… ’nu tìre ‘nu gol, però nuje n’ame strafucàte ‘nu pàre de rèzze cu quìdde scapucchjòne de MAROLDA.

Pò ind’u secònde tijmbe ame pigghjàte n’otre gol in contropiéde cu DI GENNARO, ame segnàte nuje cu DIONIGI, ha stàte scettàte fòre GIACOMINI du Gallipoli e ha trasùte CATURANO ca eve megghje ce remanéve a casa sove. ’A vertàde jè ca ‘u Tarde nuèstre malasurtàte, ha fàtte ‘u rèste d’a partìte a dalla dalla… tìre, tirètte, sbunnàte e capuzzàte, tricche tracche e bomb’a mmàne, fesckarùle e carrarmàte… ma ame pèrdùte u stèsse e mò stàme probbje nguaiàte brutte. Ne stè sciame all’infèrne dòce dòce. Quèdda sòrte de presedènde scuresciùte ca tenìme ha sparìte apprìsse ‘o maggiordòme suve e ‘a squadre stè ndèrre alle carvùne. Bah! sce mangiaméne ‘u capetòne cu’lle recchje ca apprìme facìme ‘u cenòne d’a Mmaculàte e po’ sciame a nòtte vijanghe… vijanghe mò… ròsse vuè ccu dice… ’u rùsse d’u minerale d’u sidellurgéche… a tte Prestigiacomooooo, fatta calàààà!