Spacco qquà. Spacco là! BRAGLIA, CORONA.. ma ce spacche e spacche? Scé
rubbateeee! Dice ca se chiamene vespe le sciucature d’a JUVE STABIA. Ehehehe… ce quidde so le vespe allore jé megghie l’ape car… ’u trerrote ‘nzomme. Comungue, ce silenzie osce o cambe senza le uagnune d’a curva nord. Menumale ca ha  segnate INNOCENTI… Il silenzio degli Innocenti… accome ‘u film! Ehehehe!

’Na partite bunaredde d’u Tarde nuestre. Quarche vvote se ne scevene o suenne, però ame viste ‘nu picche de sciueche finalmente, otre quidde BRUCATO! Stavene sempre in fuoriggioche le nuestre pure piccè stave ‘nu segnaligne ca azave sempre ‘a bendiere, e l’otre ca pareve ca teneve ‘u vrazze offese piccè no’nge a muveve proprie.

’U megghie in cambe: GIORGINO, tante pe cangià. Avita sapè  ca stonne ‘na gioiellerie, ‘nu ristorande e ‘nu negozzie de cammise ca ogne dumeneche rialene ‘na targhe, ‘na mangiate e ‘na cammise a o megghie sciucatore in cambe. Embè! ‘U megghie jé empre ijdde:GIORGINO. Ha ditte ‘u uagnone; ca s’ha stuffate piccè tene ‘a case chiene de targhe, de cammise e ha ngrussate ‘na decine de chile. Aspèèèèèè! Osce pure miglior uomo in campo RAFFO. Mo’ avime combletate proprie.

E quidde ANTONAZZOOOO… ce debulezze! S’ha mangiate ‘nu cape gol. Ma no ppo scè a UOMINI e DONNE? Ehehehe! E quidde DI DEO? Da quande ha avute ‘a cacaredde no sserve cchiù! Ha riendrate SCARPA  e ss’ha combortate bbuene! ‘N’otre picche segnave! Pure COLOMBINI ha fatte ‘na bella partite.

So’ cundende piccè quedda malacere de BRAGLIA ha busckate; accussì avasce ‘a creste. Beh uagnù… sce trumbate mo! Ce ccose avite capite? Malepenzante ca site. Sce trumbate ‘a paste pe lle pettele ca stanotte jè Sanda Ceciglie e passene le bande… e speriame ca no cchiove! Avugurijeeeee!