Home
venerd 22 marzo 2019
 
 
 
BARLETTA TARDE NUESTRE = 0 A 0 CE NAMA FA DE FIERAMOSCA! PDF Stampa E-mail
L'ha scritt Aldo "Diecipalazzine"   
luned 21 marzo 2011

 Certe ca ce ‘a disfide de Barlette jeve accussì, stamme proprie frische. Pure
le cavalle se n’honne sciute o’ suenne.  Ca  po’ , dche ije, ‘a disfide de Barlette no a putevene ffa cu ‘na partite, ‘mbece d’acciderse? Certe, ce avevan’ a ffa’ ‘na disfide accome ‘a partite d’ajere, angore tutte vive stavene.
Eehehehe! Oramaje l’ame capite. Cu le squadre barise chiù de zere a zere no sse fasce. E accussì ama  scè  ‘a uerre? Bah! ‘Na partite a fizze ajere. Jè vere ca ‘u Barlette stè in serie positive, ma nuje no’nge riuscime a farne valè nemmanghe cu le scartine. Ajere stavene INNOCENTI, GALEOTO E RAJCIC, tutti  ex. 

 

E pure ‘u mister, CARI, ha state l’allenatore d’u TARDE NUESTRE. Cu idde arrevamme quase a serie, B ma po’, cu l’Ancone, perdemme ‘a finale. Menumale ca  ajere stave BREMEC, ca ce no a disfide l’avemme perse brutte. N’ame fatte mettere sotte da ‘na squadre ca stè in zona retrocessione. Ninde uagnù! No’nge m’avite piaciute proprieeeeee. S’honne accundentate d’u paregge. Ce sckife de disfide! Chiù  ca cavalle parevene tutte ciucce de fatije. Suse e sotte mmienze o cambe accome a tanda pacce senza cuagghià  niende. Ame fatte finde de terà ‘mborte qualche vote, ma senza convinzione. Dumeneca prosseme n’attocche a NOCERINE ind’a ccase. Quidde so’ proprie forte… ama vedè ce le cavaliere nuestre a vengene st’otra disfide. Bah. Stateve bbuene!

 
< Vid quidd d'apprim.   Vid 'nnotre. >
Cr'stian online:
Get Firefox!
Ce timb st face?
Tardnuestr
---
Scanzavirus Avast!
avast! Home

 
Top! Top!