Ci è mancato solo il gol! E ce segnifeche? Ca o pallone, u gol a fa’! Ce no ce
sciueche a ffà? Scusate lo scioglilingua. E accussì ‘u Tarde nuestre ha perse n’
occasiona d’ore pe ‘nghianà suse a classifiche! E ce no vinge a Foligneeeeeeeee, addo’ vingeeeeeee? Ame  sciucate, sine, ma s’honne mangiate ‘nu sbuenne de gol. SY, ha babbuite proprie. Nnanz’a porte, s’ha gnuttute ‘nu gol granne quand’a ‘na case. Eve cchiù facele a  segnà ca a menarla fore. ‘U fatte jè, ca indr’a sta squadre SY, no’nge segne cchiù, GIRARDI no ne parlame proprie..e ci adda segnààààà? Zianeme?

Se dice ca tenime ‘u centrattacche ca scioche p’a  squadre. Bah! A lle tiembe mije ‘u centrattacche avev’a  ffa sule le gol e avaste! None le chiacchiere! Sine, tenime ‘nu ppunde  de cchiù…ma alle play off ce n’adda salvà ce no mename ‘a palla ‘mborte? Po’ ha trasute GUAZZO, ma no’nge ha fatte ‘nu…….non ha fatto niende va! Ehehehe! Pure idde, a ssule a ssule ‘nnanz’o purtiere ha sbagliate! Menumale ca BREMEC ha parate ‘nu pare de tire, ce no, avemme perse pure! Accussì am’a scè  a uerre? ‘Nge vuleve ‘a  rabbie de quidde trecijnde tefose tarandine d.o.c ca stavene suse a trebune pe
purtà a ccase ‘u resultate. ‘Mbece…. me sape ca tenene ggià ‘a vendra chiene le  sciucature d’u Tarde nuestre. Bah! Sciamme ‘nnanze locche locche! Dumeneche tutt’o cirche…no…no…scusate…o cambe. E ssine! Piccè honne mise ‘u cirche proprie nnanz’o cambe! Ehehehehe… e ce jè ‘a cettà de Purecenelle? Stateve bbuene uagnù! Tutti al circooooooooooo!