Home
gioved 21 marzo 2019
 
 
 
TARDE NUESTRE VIAREGGIO = 1 A 0CAMBANE STUNATE. PDF Stampa E-mail
L'ha scritt Aldo "Diecipalazzine"   
luned 16 maggio 2011

 DIN DON – DIN DON – DIN DON!  Ehehehe! Le cambane honn’a sciucà une  condre a ll’otre a le pley loffe.  None le cambane d’a chiesije! Ce ccos’avite capite? Le doje squadre della CAMPANIA : JUVE STABIA E BENEVENTO giocheranno contro. Certamende viste ca so’ “cambane”, se le suoneranno forte forte! Ehehehe! Avite capite ‘a battute? …Cambane… suoneranno… Nonge avite capite nijnde noooooo? Vabbè va! Ajere, o cambe, stavene quattre jatte. Ca po quattre jatte a Tarde so’ quase mille e cinghecijnde cristiane.

ComunGue…dase ca ajere faceve  cavete, le crestiane honne sciute a mmare. Pure piccè s’avevene astepà le turnise pe le partite de le pley loffe. Eh! Ca po, diche ije, no puteve avascià ‘u prizze de le bigllijtte accussì ‘mbece de scè a mmare, le tarandine scevene a pigghià ‘u sole o  cambe? Mah!... Accussì ha segnate ANTONAZZO su passaggio di NICOLINO RUSSO (‘u piccinne nuestre). ‘Nu gol tutto rossoblù. Aspèèèè… ANTONAZZO ha avute pure ‘u premie RAFFO. Accussì s’a fasce ‘na treqquarte prime de le pley loffe. Ehehehehe! E quidde GUAZZO! Speriame ca se ne veje u prosseme anne. Ha fatte ‘nu lisce ca nemmanghe RAUL CASADEI l’ha fatte maje. Honne sciucate tre tarandine: Stave pure PANARELLI. ‘U Viaregge eve poca cose, e sta vettorie n’ha servute pe scè o quarte poste… accussì n’a sciucame cu l’ATLETICO ROMA. E mo uagnù accumenzene le delure de vendre. N’otra vote le pley loffe! Speriame ca ‘u Segnore n’a manne bbone piccè ce no’nge sciame st’anne, ‘u prosseme, a veche gnore. Se scioche giurne vendenove, o cambe nuestre. Me raccomande mo! Anghijte ‘u  cambe.  No’nge adda rumanè nemmanghe ‘nu poste vacande piccè cu le romane tenime ‘nu cunde in sospese ca so domila anne…. dalle tijmbe de Felonede. Però mo, no jè ca facite accome facì quidde cigghiacule… ca annaqquò l’ambasciatore de Rome c’u a pipì. Pure piccè, ce no ne fanne ‘a multe. Beh! Ne vedime dumeneche vendenove o Iacovone… e facite pipì alle casere vostre! Ehehehe!

Ultimo aggiornamento ( luned 16 maggio 2011 )
 
< Vid quidd d'apprim.   Vid 'nnotre. >
Cr'stian online:
Get Firefox!
Ce timb st face?
Tardnuestr
---
Scanzavirus Avast!
avast! Home

 
Top! Top!