Home
domenica 15 dicembre 2019
 
 
 
TARDE NUESTRE AVELLINO = 2 A 0LUPE, LUPETTE, LUPINE, LUPENARIE E LUMINARIE PDF Stampa E-mail
L'ha scritt Aldo "Diecipalazzine"   
luned 19 dicembre 2011

 E ce iéve Capedaaaannnneeee! Ehehehe! Grande curva nord! ‘Nu spettachele vivende! Luce, tricchetracche, fesckarule e bomme a mmane! Ehehehe! E po’ se vedevene tutte le palazze cu le luce de Natale! Madò! Ce bella cose! Tarde nuestre… ije T’AMO!

E accussì le lupe de l’AVELLINE honne addevendate pechere! Averamende stavene nemmanghe dece lupette suse a curva sud e lucculavene: AUUUUUH, AUUUUUH! E ce jevene lupenarije? Honne segnate SCIAUDONE e DI DEO. Do’ belle gol! Stevene ammuzze, settemile cristiane e stave pure ‘nu vinde ca se ne vulave tutte cose. 


DEGASPERI, ‘mbece, ha sparite! Stè faceve ‘u guverne forse! Menumale ca stave RANTIER ca quanne pigghiave a palle pareve ‘nu trene. BREMEC ha fatte ‘na mezza parate e GUAZZO  ha sciucate p’a squadre e ha fatte fa ‘u prime gol. E sta bbene a GUAZZO! Ma com’è ca sprusce sempre stu Guazzo? S’aveva chiamà SGUAZZO me sape!

Ha trasute finalmente GARUFO (ije nonge l’aveve viste proprie) Ha state tanta timbe fore ca no m’u recurdave cchiù accome eve fatte! Po’ ha assute Matteo e ha trasute MIMMOMIO GIRARDI  ca però ha sciucate poche. Giuste ‘u timbe de sbaglià qualche tire! Eheheheh!

A fine d’a partite le sciucature honne sciute a ballà sott’a curve e quarchedune dice ca cantavene “Stame senza ‘na lire”. Mah! Mò stu fatte ce sape ci è vere o none! ‘A veretade jè ca aqquà a Tarde nuestre, tutte stonne senza ‘na lire. Eheheh! E allore uagnù! Abballame tutte quande!
 
< Vid quidd d'apprim.   Vid 'nnotre. >
Cr'stian online:
Get Firefox!
Ce timb st face?
Tardnuestr
---
Scanzavirus Avast!
avast! Home

 
Top! Top!