Home arrow Societ e costume arrow Pass'a me ca so' veloce! arrow TARDE SAMBENEDETTESE = 1 a 0.SAN DIONIGI, NHA FFATTE A GRAZZIE!
venerd 22 settembre 2023
 
 
TARDE SAMBENEDETTESE = 1 a 0.SAN DIONIGI, NHA FFATTE A GRAZZIE! PDF Stampa E-mail
L'ha scritt Aldo "Diecipalazzine"   
luned 03 settembre 2007
 Menumale ca’ osce le uagnùne s’honne svegliate! “Allu Iacovoni” come dice ‘u Presedende chiangia chiange e peducchiuse ca tenìme, ce vuleve DIONIGI,  ‘u bomber c’amme accattàte suse ‘a postal market, a menà ‘a palle ‘mborte a ‘u trendadojeseme.
Brave honne stàte pure le tre trequartiste, ca ‘no sso’ quidde ca’ se bevene le fialette da treqquarte de birra Raffe, ma le sciucature ca stonne rete o’ centrattacche e cioè PELLECCHIA, CUTOLO E ZITO. Sule ca ‘na cose v’agghia dicere. Aqqua’ se stonne e fanne male tutte quande! E ccè tinìme ‘u malaurijeeeee! 
Prime d’accumenzà ‘u cambionate s’ha ffatte male CACCAVALLO, po’ CEJAS…ca’ se legge SEGAS, osce s’ha ffatte male ZITO. Se dice ca’ quidde scarpare d’allenatore c’ avevene pigghiate alla Standa, CADREGARI se chiamave, ‘mbece d’ allenà le sciucatùre l’ha scuasciàte proprie. Percio’ l’honne cacciate de notte. E quidde PASTOREEEE, ‘u capetane nuèstre! Ce’ cchianteeeeee!…ce quiste jè ‘u pastòre, le pechere accome so?  Abbrave a CAVALLO, ‘u mediane nuèstre, osce fucéve com’ a VARENNE. L’ arbetre magghjate eve de Catanzare e pe tutte le jastéme ca’ l’honne menàte se n’ha sciùte luenghe luenghe ‘ndèrre accom ‘a nu sarchiapòne.

Beh Uagnu’! Un cordiale facitava calà a tutte quande! Da Diecipalazzine sport.
Ultimo aggiornamento ( domenica 09 settembre 2007 )
 
< Vid quidd d'apprim.   Vid 'nnotre. >
 
Top! Top!