Home arrow Societ e costume arrow Aneddoti arrow POTENZA - TARDE = 2 A 2..E CE VVUE CCHIU DA VITE?NU LUCANE!.
domenica 03 luglio 2022
 
 
POTENZA - TARDE = 2 A 2..E CE VVUE CCHIU DA VITE?NU LUCANE!. PDF Stampa E-mail
L'ha scritt Aldo "Diecipalazzine"   
domenica 04 novembre 2007
 Uagnù! E ce vulìte da me ci ‘u Tàrde Nuèstre ha sciucàte tre vvote ind’a ‘na sumàne? N’otra vòte aqquà stòche! Osce amme sciùte a sciùcà in Lucànie, a Poténze…eheheheh! Piccè stoch’ a rrìde? Ca quànne scève a scòle me penzàve ca ‘u fattòre de poténze eve ‘nu contadìne d’a Basilicàte…Vabbè va! Osce le tefùse du Tarde nonge honne sciùte in trasfèrte piccè p’u Prefétte de Poténze nuije tarandìne sìme cristiàne pericolose. Secondo me osce ca jè duméneche ‘u Prefètte no vvulève fastìdie. Accussì jè! Bella partite! ’U Potènze no jève ‘u Real Madrìd, ma dritte e stuèrte amme fàtte ‘na bella partìte e MANCINI ha fàtte ‘na grànna gàre e ha segnate doje gol, CUTOLO ha stàte bbràve, ma quìdde cacafàve de ZITO s’ha mangiàte n’otre gol fàtte e p’u digerìje s’ha bevùte ‘n ‘amàre lucàne viste ca stàve addà. Bella partìte di COLOMBINI (‘u terzìne sinìstre),CEJAS e DE LIGUORI honne stàte scangiàte cu CAVALLO e DE FALCO, CUTOLO cu ZACCANTI  e ‘nu sciucatòre du Poténze ha stàte espulse direttamende d’a  panchìne. O novandèsime però, quànne stè vingèmme doje a ùne quìdde carnevàle di MIGLIACCIO ha fàtte ‘nu falle ‘nnand’a porta nòstre e accussì àmme pigghiàte ‘u gol d’u doje a  doje e honne salàte le peperùsse. E ce vulémme cchiù d’a vìte? ‘Nu lucàne?… ‘Nu lucaneeeeeee? Secondo me eve megghie ‘nu càne ‘mbece du lucàne…. pe quìdde cecàte de purtière ca n’acchiàme.
Ultimo aggiornamento ( domenica 18 novembre 2007 )
 
< Vid quidd d'apprim.   Vid 'nnotre. >
 
Top! Top!