A tùtte vuje n’ avvràzze strìtte strìtte. Alle uagnèdde de Tarantonòstre cchiù strìtte angòre piccè ajére ha stàte ‘a fèsta lòre e perciò le dediche stù muttètte tarandìne: “Ci vuè ccu vìde uagnèdde bbòne, s’acchiéne tùtte ‘o Tramundòne; ci vuè ccu vvìde uagnèdde fìne, fàtte ‘nu ggìre a vìe D’Aquìne; Purcè de uagnèdde brutte, a Tàrde ‘a ràzze s’ha destrùtte”. Méne mò parlàme de pallòne. ‘U càmbe de Sorrènte paréve ‘nu càmbe de calcètte spelàte piccè jéve sintetìche …assumegghiàve ‘o tappéte d ‘u  bigliàrde addò ha sciucàte Pol Gnumàn…. ma ddòpe trent’anne però. ‘A cosa bbèlle jè, ca stù sckìfe de stadìe se tròve mmjenze ‘o màre de Surriènte, fra Ischie e Procéde…’nu Paravìse. ‘U prìme tièmbe ha stàte a-quilibràte….cioè mànghe ‘nu tìre ‘mbòrte né da ‘na vànne né dall’otre. Po’ no s’ha capìte cchiù  niénde. Appene ha azzeccàte ‘u secònde tièmbe ha segnàte ‘u Sorrènde, ma po’ ‘nu sciucatòre nuéstre ca se chiàme CARROZZA, ha pareggiàte…ehehehe secondo vuje a Sorrente, addò stònne angòre le carruzzèlle ce putève segnà? ‘U Tàrde nuèstre ha fatte pùre ‘u seconde gòl cu ZITO ca nonge ha festeggiàte piccè ha sciucàte probbje indr’u Sorrènte… Paréve ca a vengémme stà partìte ma pò le sorrendìne honne pareggiate… mannàgghje alle ccuèrne ca tenéne.

Uagnù! Quìste so le paròle di osce. ‘A musèche, jè quèdde d’u mandullìne de Sorrènte… e ‘a puisie? Beh quèdde lassamele fa a cci a sàpe ffà…Bonasère a ciaschedùne, alle bèlle, alle brùtte e alle cuggh….ehehehe.