|
TARDE–CROTONE (PLAY OFF)= 2 A 0 FISCKE FISCKETTE FISCKARULE E ‘U CROTONE SE L’HA PIGGHJATE ‘NG..APE |
|
|
|
|
L'ha scritt Aldo "Diecipalazzine"
|
|
lunedì 26 maggio 2008 |
 Matòòòòòòò uagnù ce sciurnate! Stamatìne ame sciùte a mmàre e m’hagghje asckuate brutte ca stanotte all’oscure hagghja stà fosforescende accom’ a Madonne ca stè suse o cummò. Po’ hagghje sciute o Iacovone doije ore apprime, ca stave ‘nu sole ca te spaccave a ddoje e accussì m’hagghje arrustùte acccome a ‘nu cefale. Però ce bella cose! ‘U cambe chijne chijne e a tutte le tefùse honne rijalate le fisckijtte rossoblu piccè ogne vvote ca ‘a squadre avversarie pigghjave ‘u pallone; avemma fisckà. M’hagghje vviste ‘a partìte c’ U_pacce e cu Cozzaronero e n’ame addevertùte. Oneste! Quanne ‘a squadre d’u Tarde ha trasùte indr’o cambe ame fatte ‘na sciarpate da brivido cantanne “Conquista la Vittoria”. ‘U Tarde nuestre se vedeve ca vuleve vingere. Ha segnàte MANCINI doppe mezz’ore e ‘u Iacovone ha scuffulate. N’ame abbrazzate e Cozzaronero, benediche, m’ha ‘nghjanate sus’ a ‘na cepodde… ce duloooore! Ce cavete ca facéve! Ame scuagghjate, pure piccè stamme a fecazze. ‘O seconde tijmbe CUTOLO ha fatte ‘mbresse ‘u seconde gol e da quidde mumènde cu lle fisckijtte ‘no ss’ha capìte cchiù nijnde… appene tuccavene a palle, le Crotognate, fijscke a mendone… ‘no stè capìmme cchiù nijnde e ‘u tijmbe nonge passave. Mijnze ‘o cambe ognettànde passavéne certe cristiane vestute accome le Iene. Evéne le steward c’avéve mannate ‘a leghe… fa ca evene le procamuerte. Nuje penzamme ca stàve pure quidde sciurgiòne de Illari Blasi ma de Blasi stave sule lu Presidende ca jè brutte accome o cule d’a jatta ggnòra. Beh! Mo ne scè sciucame ‘a finàle cu ll’Ancona e ‘no tenìme paure de nisciùne! Purtatéve ‘u fisckette!... Maèèè fiscke angore? Siiine siiine sempre adda fisckàààà! |
|
Ultimo aggiornamento ( lunedì 26 maggio 2008 )
|
