Home
domenica 23 febbraio 2020
 
 
 
A renfrescate PDF Stampa E-mail
L'ha scritt Peppe Nesta   
luned 22 settembre 2008
 Menumale ca ha scarecate nù picche stamatine, armene ha renfrescate l’arie… Memì … cù ttè stoca parle … e mezzeche ‘a Memine … se n’ha sciute aù sicchie …

None Jà … stoca ‘penze cà ce nò chiuveve stamme angore chiù ‘nguajate … e nòssule p’ù càvete ma pè l’inguinamende cà stè … ma stè ‘vide ca sò le cinghe’e mmenze e nò stè chiù manghe nà rundenelle, pare fà ca se n’honne scappate da sta città …

Haddò stè ‘pinze Memì, accome è devendate … accome se dice …  zenzibbele … stè pienze alle rundenelle …

Naaa cumbà, ma stè ‘vide cè cavete hame avute sta staggione, se mureve ca manghe se puteve resperà, e ci tune sapisse da cè depende … dall’inguinamende … stè ‘vide quidde russore cà stè ‘ngiele … quidde jè totte pulverine menerale ca stè spregginate ijndre all’arie, chiù totte stè maghene ca vonne ‘geranne e spregginene pulverine dè chiumme … ca jè angore chiù tosseche … Nuje hame fatte l’anne nuestre … ma ce pijnze alle figghije e alle nepute nuestre … cè ‘fine honna ‘faje? …
Buonasere Jangele, buonasere Memine, … beh stasere se stè megghije, e menumale ca ha scarecate ‘bbuene stamatine, armene hame addefrescate nù  picche, ca ci avesse fatte accome ajere ha ‘nzeddecate quatte gocce ca pò ha scarfate dè ‘chiù … mammameje, stanotte hagghije appezzecate l’arie gùnfezzionate, ca averamende nonge se puteve pigghijà ‘reggitte.

Ma Jà, tune accome ‘a mitte l’aria gùnfezzionate?  A me figghijeme m’ha ditte ca s’hadda tenè a pusizziona drai, ca dice cà leve totta l’umidità, …  propre piccè l’urtema vote ca l’hagghie tenute a fridde nurmale  m’ha pigghijate nà resibbele rete aù recchiale.

Propetamende pè quiste une s’hadda stà attinde cù l’arie cùndezzionate, … cùndezzionate sé dice, none gùnfezzionate, sembre ‘ngnorande sì Mechè.

E cè ‘sacce je, … stè vide cè vale ca une ha sciute ‘a scole accome Memine, … stè sijnde Jà

Naaa ca accussì stè ‘penzave apprime, ca stè parlamme de l’inguinamende, … ha dijtte certe parole strane ca hagghije sendute sule alla televisione, ma dimme Memì, cà nò ‘m’arecorde bbuene, cè scole è fatte?

Hagghije fatte ù terze avviamende … ma nò ccendre nijnde ‘a scole, jè totta cultura perzonale, je legghe sembre e uarde le tèleggiurnale e me tenghe sembre ‘nfurmate, eppò ne descutime a case je e mugghijereme, … ca pò facime sembre dèscussione ca vole sembre rascione jedde, … ‘a manne ‘a quidde paise e me n’avenghe aqquaje, ‘a l’urteme anghele de paradise cà ha rumaste ijndre ‘a stà città, … ‘a nostre Ville Perepate.

Mò faciteve chiù ‘ddà, faciteme azzettà pure ‘a me.

Nà … ha arrevate drette drette dope ca l’hame ‘ssucate ‘a banchine, e chiamele fesse … Mechè ma cè tijne suse alle cazune, cèssò vagnate? … ma cè t’è pisciate ‘nguedde?

Seee … statte cijtte và … ste ‘ttraversave ggiuste aqquà ‘rrete, suse ‘a via Petàgore e nò vvuè ca une, nù figghije dè bbona mamme cù na maghena grosse, nòssule  nonge m’ha fatte passaje, ma m’ha spruzzate totta l’aqque d’ijndre na puzzanghere … l’hagghije scettate dò jasteme ca cè sape cè s’arretire ‘a case.

Mammameje cèssì triviale frate mije … e cè jete nù picca d’aqque de ciele … ca ‘a fa finde cà jete aqque benedette e …

Seee aqque benedette … tu manghe te ‘mmaggene ce stè ijndre ‘a quedd’aqque … quanda purcarije stonne … tutte pè l’inguinamende!

Annotavote cù stu fatte … ca quidde mò chiù velene se pigghije … cà già vè totte vagnate.

Approposete Jà … ma tu è ‘vute ‘a bùllette d’à luce? … quande purtave suse?

Statte cijtte frate mije, … hagghije truvate nà cose coma‘cindevvinde euri dè chiù … ma ci sape accome cavule ha state …

E bbrave aù polle … t’ha piaciute tenè l’arie cùndezziunate o gùnfezzionate accome dicite vuje appezzecate? .. e mò paje ù tùzze!

Cè rraggionamende stè fface Memì … ma tu dice cà ha state ù gùndezzionatore ca ha cùnzumate assaje?

Ca manghe! … cà cè tte pienze cà vè ‘a petrolie … ca nonge è viste quanne ù ppizzeche ca ‘a lucetta d’ù cundatore addevende rosse?

Ma cè ne sacce je … ca manghe ù tenghe ijnd’ ‘a case ù cundatore … quidde ha state l’amministratore cà ne le facije mettre abbascie aù purtone e nò ss’ha capite chiù nijnde! … gomungue mica se puteve stà senza gùndezzionatore … ca ù sé ca n’amiche mije quanne ha state ù càvete forte forte l’honne purtate cù l’ambulanze aù spidale … pinze cà cù quiste hame fadiate ‘nzieme all’offecine dè l’Arsenale e sijme sùezze … ha vvute nù cùllasse e rèschiave cù le veneve nù trùmbone …

Nà trùmbose semmaje … accome te dice ‘a cape … nù trùmbone …

Vabbò … ma datese ca jè granne e gruesse le veneve nù trùmbone!

Essì … e ci une jè cùrte e liggere cè lle vene … nà trùmbette?

Miii le settemmenze s’honne fatte ... fàcitemene scè ‘a mmè ca s’ha fatte orarie … ca ci nò ci ha sende ‘a quedda rùsciarusce dè mugghijereme.

Sine nà tra picche ne sciame pure nuje, nò Mechè?

Sine Jà, stamene n’otre cinghe menute e ne sciame pure nuje … cà ‘a piccenne m’hadda preparaje ‘guarcheccose da mangiaje e po’ hadda assè cù l’amice sue!

Appropò … ave cà stè dicime ca n’hama scè ffà na mangiate ‘a ‘nguacche tratturie accome alle vicchie tijmbe … e quanne hadda arrevà ù mumende? … quanne hame muerte?

Ma cè vuè ccù vvè mange! … nò vvide ca le turnise nonge avastene manghe cù arrevame ‘a fine mese … e po’ è sendute ca stonne arrivene totte ste aumende suse alle bùllette … cè sape accome cavule hama faje … tande ‘a lore cè lle futte … nuje sijme carna affetesciute e cè murime sparagnene pure cù ne donne ‘a pènzione …

Ma nù sijme tueste e nonge murime, accussì le sciame a quidde poste!

Vabbè ma ce cundenuame accussì però …

Nò ppenzame cchiù frate mije … mò ne sciame lèmme lèmme ‘a case, uardame nù poche dè televisione e crè se penze! … ca menumale ca ognettande ne facene vedè ‘nguacche bella ballerina, ... armene addrefescame ‘a cape, … appropò cè stè stasere?

Ma cè belle ballerine … ‘a sajonghele! … ma angore vendette ne vole quedda addaje … ‘a bionde,  accome sé chiame … Raffaella Carraje … e s’ha appresendate annotavote cù totte stè maschele …

Eeee … accussì ha dijtte mugghijereme … ognettande attocche ‘a nù femmene cù addrefescame l’uecchije e ‘a cape!

Sciamene và ca ha cangiate ù munne … nò ‘sse capisce chiù nijnde mànghe ‘a televisione.

Cià uagnù … ne vedime creje … cè Ddie vole!


pepp’nest’
Ultimo aggiornamento ( luned 22 settembre 2008 )
 
< Vid quidd d'apprim.   Vid 'nnotre. >
Cr'stian online:
Get Firefox!
Ce timb st face?
Tardnuestr
---
Scanzavirus Avast!
avast! Home

 
Top! Top!