Osce jè ‘a fèste delle muèrte e ‘u Iacovòne achjùse paréve ‘nu cambe… sànde e le sciucatùre d’u Tàrde nuèstre parevéne tanda muèrte abbevesciùte… po’ tenìme pùre n’allenatòre ca se chiàme DELLISANTI e ‘u quadre jè combléte. ‘U Tàrde jè ‘na squadre morta, e quìdde becchìne d’u Presedènde procamuèrte ca tenìme ha capìte ca s’ha scacchjàte sciucatùre scàrse proprie. Nemmànghe Maicòl Gecson cu le zombi avèsse fàtte ‘na partite accussì. Comùngue ‘u Tàrde ha fàtte doje o trè tìre ‘mbòrte ma ha pàlle nònge ha trasùte.

All’urtème menùte ha segnàte ‘u Crotòne  e n’ha fàtte fèsse ind’u càmbe… sànde nuèstre, ca jè megghje ca ‘u facìme benedije piccè angòre nònge ame vìnte nemmànghe ‘na vòte ind’a ccàse. Hònne trasùte MAROLDA, CARROZZA e BARRIOS ma sèmpre sckìfe ame fàtte. Ind’alle spogliatoje ha succèsse ‘nu casìne piccè qualche sciucatòre s’ha ngazzàte c’u Presedènde ca téne ‘a vòcche tròppe apèrte e se dìce pùre ca qualchedùne se ne vòle scè da Tàrde piccè nònge se jacchìe bbuène cu idde. L’allenatòre nònge còlpe piccè hònne accattàte pòche sciucatùre e cù quèdda crète sùle stè pupàzze se pònne faje. Mò dòpe cìnghe anne stàme in zòna plei-aut e ‘o càmbe stònne a metténe le tornèlle, le videocamére, le gàbbie fa ca mò stàme a Alcatràz… ma ije me dìche, cu tùtte stù sckìfe ca stònn’a ffànne ci è ca adda scè ‘o càmbeeeeeee?