Home
gioved 27 febbraio 2020
 
 
 
CROTONE TARDE = 2 A 0 CROTONATARIUM POSTREMUS IS EST OMNIUM GRAECORUM PRIMUS PDF Stampa E-mail
L'ha scritt Aldo "Diecipalazzine"   
luned 30 marzo 2009

 Madò uagnù speriame ca l’hagghje scritte bbuéne… ehehehe… Penelopeeee! Vìdeeee stè scritte ggiuste? E ssine jè proprie accussì… l’ultimo dei Crotoniati è sempre il primo dei Greci… Pe fforzeeee! Avita sapéje ca l’atléte de Kroton vengevéne ‘nu sbuènne de gare alle Olimpiade d’a Magna Grecia ca se facevéne a Olimpia. Quidde de Taras Nuèstre, jevéne forte, ma none accome a quidde.

E menghjeeee... tenevéne pure ‘nu fuoriclasse ca se chiamave MILONE ca vengije sei Olimpiade e sei sciuèche Pitici… accussì se chiamavéne sine… P i t i c i. Milone jéve ‘nu lottatore… menave mazzate a’ cecate. Dicéne ca s’allenave cu ‘nu vòve e ca po’ quanne spicciave l’allenamènde s’u strafucave cu le patàne.
Jève ‘ngazzùse brutte… na vote ICCO, ‘u megghje atléte nuèstre, u chiamòje: Cape de melòne… ce succedijeeeeeeeee! Milone ‘u sudecò fine abbàsce alle Tammorre, ma Icco che jéve nu figghje de bonamàmme se facì acchjà c’u frate cchiù granne ca avéve state n’galére e c’ appartenéve a’ mammaceffìzze. Madò n’otre picche ste facèmme a uèrre c’u Crotòne. Milone se ne scì carèche de meraviglie e da quidde ggiurne Icco cu l’otre amice suve: Anoco, Adamanto, Zopiro, Epicratide, quanne ‘u ngundravéne decevéne: ‘A matìne Milone Milone, ‘a sére cugghjòne cugghjòne… ehehehe.

E accussì osce accòme ajére avìme perdute. Avìme state proprie stuedèche. O’ prime timbe ‘u Crotone attaccave e nuje sciucamme de remèsse… cioè aspettamme ca lore smarrunavéne e attaccamme…ma né da ‘na vanne né da l’otre, s’honne viste azzione aggarbate. E accussì n’avìme sciute ind’alle spogliatoje zére a zzére. O’ seconde timbe avìme pèrse ‘a cape… doje gol da fèsse. L’allenatore nuèstre STRINGARA ha state scettate fore da quidde sparpagghjule de l’arbètre… LIMA  e DI (capoluogo delle Puglia) pure lore, s’honne pigghjàte ‘u cartelline russe. ? O’ prime gol nge colpéne ‘u purtiére NORDI e SCIAUDONE ca ‘mbra ‘nu: A pigghje ije… nòne, a pigghje tune, s’honne fatte futtéje. ‘U seconde ‘mbéce ha state dope ‘nu rinvije a capedemenghje d’a defése. Tutte e ddoje le gol l’ha segnate ‘nu defenzore….cose da pacceeeee. Stavote l’allenatore nonge m’ha piaciute proprie piccè ha tenute ind’u cambe CATURANO, ca ha fatte chiangére, ‘mbéce de fa trasè subbéte a DIONIGI, ca ha sciucate sule déce menute de partite. Ha trasute pure PAOLUCCI ca ha state ‘ngiuppenate suse a na sègge pe sei mise piccè s’avéve fatte male o scenucchje. Avìme spicciate ‘a partite cu nove sciucature e cu nemmanghe nu cauce d’anghèle. Ce brutta fegure avìme fatte osce… Jéve megghje quanne stave Icco cu l’amice sue ca se facevéne respettaje. Ma Tarde nuèstre tanne, jéve n’otra cose… ’a megghja cetade d’a Magna Gréce… e po sapìte accome ha sciute a fenì? Ca d’a Magna Gréce ha remaste sule ‘u nome du Viale vicìne a Viale Jonio. E sapìte ce se sce facéve a quidde viale ‘na vendine d’anne fa? Ehehehe… se sce passave ‘a serate cu quidde frusckulùne ca stavéne c’u le fuèche appezzecate… anneseeeeeee.

Ultimo aggiornamento ( marted 07 aprile 2009 )
 
< Vid quidd d'apprim.   Vid 'nnotre. >
Cr'stian online:
Get Firefox!
Ce timb st face?
Tardnuestr
---
Scanzavirus Avast!
avast! Home

 
Top! Top!